Jung ... Kènjer . door Gilbert Opsteyn .

Print
Maasmechelen -

Vreuger môsjte ze luustere en van de auwere liëre ,
veurbi-j ... das um ... den tiët duit alles kiëre .

Kènjer di-j höbbe de auge ... di-j ziën nog zoeëveul zake ,
woeëveur v'r bleind zien ... 't kan os neet mieë rake .

Di-j kalle HUN straffe spraok .

.. rech oêt en klaor ,
dat v'r int belump verdrejje tot ... hauf waor .

Kènjer zien " oëre " ... di-j huuëre zoeë veul dènge ,
di-j veer ... di-j hauf dauf zein , neet mieë vènge .

Ze genete en preuve van het zuvere leve ,
dat v'r te snel al höbbe aafgesjreve .

Kènjer dat zien " zieëlkes " , di-j bespuere en snappe hiel fiën ,
woeëveur veer te snel al aafgestomp zieën .

Kènjer zien spiegels , di-j laote kieke ... das gebleke,
waat v'r zoeë gäer as auwere , versteke.

Zuug bli-j ... waat zien ze good !!!

" opa ... waat mosj iech nog effe ? " ...
" Uge gsm of ' t kiske vanden tv in orde make ? " .

Gilbert : 28.04.2014.


Immo

Auto's in de kijker

Jobs in de regio