Woeë es den tied ? int plat mechels door Paul Stegen (mèt dank aan Nic Salden)

Print

Mechelen aan de Maas

Maasmechelen -

De gedachte aan vreuger zien neet te verdrieve ,
dao blief iech van zeivere en sjrieve.
Wi-j es 't meugelök , wi-j kan 't zoeë gaon ,
weg nao de ... kloeëte , weg nao de maon .
Bi-j ôs hauwe ze niks , mèr waat waas 't dao fijn,
nöeuge kènjer op 'n ri-j , van groeët nao klein.


V'r sleëpe op 'nne struuëzak , e kösse mèt kaaf ,
de fraanjele van de däekes hènge langs de bèdplank aaf .
't Huuske waas boete , het stônk toch , en wi-j ?
's Weinters vroor diech 't gäetsje soms tôw .
's Mörges ein bôterham mèt sjroeëp of huidvleis mèt broeëd .
Man, waat waas dat lekker , waat deëg diech dat good.
Water vöeur den doors , eërpele vöeur den hônger .
De klômpe kepôt , e stôk fitseband drônger .
èn november woor e vêrke geslach, het hing aan de lôdder twieë daag en 'n nach.
Bôtermèlk woor zelf gestoeëte , de mèlktuit is weg , aug nao de ... kloeëte .
Wasse op è wasbreëd , dweile mèt 'n zak , en de moel aafgevaeg mèt de sjôtelsplâk.
Es kènjer gereip, uufke gesjoate , gekoekereld en bi-j mènigheim aant belleke getrôkke.
Kâsj gespeëld , niemès wisj woeë v'r zaote.
Dat kan nôw neet mier , dus aug nao de ... kloeëte .
Mèt nao 't veld ôm wortele te gaeëje ,
in den hui-jtied de berm op, ôm het hui-j aan te treëje .
Eërpele rape , sjoffele èn de kroeëte , alles weg , weg ... nao de ... kloeëte .
'n Kei-jbaan make, vöeugelkes vange,
de koo kräeg e kauf esse good hauw gestange.
Trouwe dat waas normaal , nôw kroepe ze zoeë bi-jein .
Iech bèn auwerwèts , mèr ze zulle zich stoeëte ,
neet mèt bemeuje , laot ze mèr ... kloeëte.
Mien gedachte staon stil , in mien auge 'n traon ,
ômdat ... waat zoeë fien waas ,
nao de ... kloeëte môsj gaon .
P@ulke : 28.08.2013.


Immo

Auto's in de kijker

Jobs in de regio