Blèf Hôessëls kalle

Print
Hoeselt - Op z'n Hoeselts

Trump !

Egëlëk moette vër dwô geen wjod o'n vaul môke...mer ich go'n hët toch doen. Gan of nie gan. Op de jèste plak èst ne maulëman. Op de twéde plak ne wijvërsman èn op de derde plak éne mèt benkëlëk vjol poen. Iemëd mèt vjol geld dêe kan vjol, dêe moog vjol èn dêe wilt vjol. Hêe kis h'm de sjùnste vrolui aut want dij wéte ook wol a hùn breudsje mee a's goed gëbakken ès. Ich hùb gëlêze a Mijnheer de Prézëdent, de machtigste man van de werd, zèk mer, e vërmogën hèt van zo 'n VIER MILJAAR. dat zin heel vjol nullekës ater de VIER. Mer a égës 'n dikke nul zit dan mik dat bëzonnër goed bëdeen. Ich wil oech èns effëkës opnume wô dêe man ammël jè : De sjikste hotels èn vërsjillënde laan.Dan kal vër van hotels mèt honnëde supërdëlukse kômërs, hêe jè golfclubs, casino's. Omda'tter nie vies ès van sjoon vrolui hèt tër mer égës 'n deel modelleburoos opgërich. Hêe hèt ége klêerzôke,hêe ès mineraal-wo'ttër produzzent, hêe ès vastgoedmakelaar,hêe jè ége wolkëkrabbërs,hêe jè égëndomme èn teentalle laan,hêe jè 'n privé-vloot, ne grote Boeing 757,twee helikopters èn 'n ége TV produktie-haus. Hêe zal baute dit nog wol wat mee hùbbe wô de fiskus nie wit èn nau krig tër èn januwari nog een jorwèdde van rond de............ dollar . Wô tër ook nog hèt dat zin miljoene ôonhengërs mer ook miljoene vijande.Zie dan nie liever doodgëwone minse wij zjiè èn ich, wô woene èn e gëwoon haus, wô èns mèt de hond konne go'n waandële ( a éne hèt tenminste), èns goed go'n ête, spôre vùr 'n pôor keer per jor op rees te go'n, blij zien a gezond zit mèt vro, kènnër, kleenkènner, goei gëboeren hèt. Hêe moog hët ammël hùbbe.Zie h'm al op de pot zitte mèt vier boddiegaards a'n de deur stùn. Vùr mij pôot moog Trump de pot op.Voila !! Toon Hermans zeu zègge : "Nee, ik mot die man niet !"

Paul Achten


Immo

Auto's in de kijker

Jobs in de regio