Blèf Hôessëls kalle

Print
Hoeselt - Op z'n Hoeselts.

Spieken
ôofkieke , ôofsjrijve, ôofpenne

Spieken of ôofpenne, ès van alle tijde.Bij dën éne leraar lùk hët al wat bêter a's bij dën anëre..Mètskës hùbbe altijd vùrdeel g'had. Dij sjreve gewoon de been èn batse vol formulle èn dan hët rùkske effëkës omhoog. Dwô wo's êel (toch)géne leraar wô dwô dos op reagjèrre.(reageren) . Mer vruggër jorre èn 't kollége èn Bilze wo's dwô ne meester èn dêe hoet "Fons Coch".(oech ammël wo'l bëkaand !!) Bij dêe lukde ôofsjrijve gëwoon nie. Ich kèn nog altijd hët zinnëke bôettër z'n eksomës mèt bëgos èn dan wo's hët doodstil ènne klas èn dat goenk a's volgt : "Een oogslag links, één oogslag rechts,'n blik op hët uurwerk, 'n hand onder de bank èn nul voor kopie." Dan goenk ter vots :"Maak uw zakken leeg" Dan pikde tër 'n pôor studente aut de banke èn dij moeste dan hùn môle (zakken)ùmtrèkke. Met z'n potlood goenk tër dan nog èns onnër de rëvêer van oere palto (jas) vùr te kieke of dwô dèk geen pëpirkës zoete. Alle studente kaante dat sénario,mèt gevolg a dwô noot iemëd kos èn dos ôofpenne bij de Fons. èn de Normôolsjwo'l wo's ne student vree o'nt ôofsjrijve. Hêe hô de bôek op z'n knie-ë liggen. De professer, al wat op jorre ,waandëlde lengs h'm dùr èn van puur alternôse voel de bôek van z'n knie-ë, patat op de grond.De prof zaat. "Gij hebt ook niet veel orde in uw bank, steek dat boek eens trug. Oef ! Dat wo's 'n hondssjôos.Mer nau heur ich huin op de radio a èn Irak massôol ôofgëpend jod via smartfoons.Dwô hùbbe ze nie bêter op vonne a's het internet èn de sjwo'lle onnër de ekzômës kompleet lôom (lam) te lègge.Het wo's gëdùnd mèt spieke. Erm studente.

Paul Achten


Immo

Auto's in de kijker

Jobs in de regio