Blèf Hôessëls kalle

Print
Hoeselt - Fakteur....mog (meid) vùr alle werk.

Fakteur......meid vùr alle werk

Volgës a èn de gëzètte steu zin oos modern fakteurs bènnëkot echte mauljèzzëls (muilezels). Tën jèste wo's "vruggër" ne fakteur ne "man" èn geen vro.Tën twéde goenk tër te voet of mèt në krakkëmikkige villo, zwoor gëloid mèt brieve, gëzètte enz..èn wo's tër al heel vrug op de bôon (baan). Hêe hô (had) ee sjo zjobke...pensëjoene(pensioenen)autbëtôle(uitbetalen) op hët lèste van de mo'nd (maand).Dan goenk tër wôol (wel)waggëlëntèrre tos mèt 'n goei kroezël èn.En iedër haus boe tër (waar hij) pens-joen autbëto'lde kreeg tër e borrëlke ...of twee.Mèt naujor jonde hêe op heel vjol plakke gëtraktjièd op 'n waffël,e pôor môplegskës (zakdoekjes),'n sigaar of 'n drankske. De fakteurs van huinëndôog koi hélëgans nimmee vërgëlijke mèt dij van toen.Dij krijge bènnëkot zovël zjobkës (jobs)bij da't nimmee te doen ès.Zo môette ze go's (binnenkort)volgës de gëzèt, gëstwo'lle (gestolen) villo's helpe trùg vènne, otto-pëtente o'n de man brènge, de wo'ttërstaand go'n oppakke èn de huis,foto's môke wij de kabëls èn de grond ligge, 80-plussërs go'n bëzukke o'n haus, brood bij de bekkër go'n ôofhôle èn ôof-ljèvvëre(leveren) bij "behoeftige".Enfin de moderne fakteur wèt go's (binnënkort) wô doen.Ve moette nau al tot 's atërës waachte ee vër oze pos ènne bus krijge ( èn ve woenne mer op 'n goei honnëd métër van de pos!) Ze zulle toch zèkkër nie èn de kaffe's ligge? Nêe, dat kan bëkans nie, want vë hùbbe mer 'n pôor kaffees mee. èn de jorre 50 loeg dat naturlëk heel anës mèt mee a's 50 bierwinkëls. Ofwôol hôon de mannër toen mee dos of wo'l hôon ze nën dreuge lêvër.Ich weet hët ook nie !

Paul Achten


Immo

Auto's in de kijker

Jobs in de regio