Heimwee noa Berg ( deil 28) .

Print

Neeroeteren

Maaseik - Den ierste schoaldaag .

Ich kan nog altied neet good verstoan ,
hoe Make allein heivershiène kos goan .
Ziej haw mich aafgezatte in Waterloos ,
doa ging ich noa de kakschoal , det moos .

Nemes vroog mich of ich det waal wildje ,
nemes zaag det ich op mien beinkes trilje .
Ich veeldje mich totaal verloere ,
en geraakte hièlemoal ièver mien toere .

Ich haw nog neet ins gezièn ,
det er nog jankten … zièker tièn .
Doa haw ich eigelik niks mît te make ,
mien auge zôchte noa mien Make .

Ziè sting aan de andere kant van de port ,
“ zeeg braaf bièj de juffrouw “ zag ze kort .
En dan waas Make inins verdwiène ,
ich kèèk ze noa op de tippe van mien tiène .

Dièj juffrouw bracht ôs noa eine groète zaal ,
’t ierste oor waas ’t doa nog û groèt kabaal .
Maar stilaan wèèrde het toch stil ,
zônder ein klets op de bil .

Noa û tièdche kèèk ich ins in ’t rônd ,
en doa sting ich wie genageldch aan de grônd .
Spièlgood , ich wis neet waat ich zaag ,
zoêvèèl , ich krèèg eine knoup in miene maag .

De juffrouw lachte en zag “ kees dich maar get” ,
en van ’t ein ougenblik op ’t ander voinj ich hèr net .
Make waas inins wièt oèt mien gedachte ,
want hiej laag het schoènste spièlgood op mich te wachte .

Zoè verloop den ierste daag van mien noew lève ,
en Make hûb ich het auch vergève .
Ich deink ‘r nog mît vèèl plezeer aan trûg ,
Eders kier es ich noa Berg riej … ièver die brûg .

Immo

Auto's in de kijker

Jobs in de regio