Blèf Hôessëls kalle

Print
Hoeselt - Tattoos Tattoes

Ich weet nie of ze os vùr atërlijke minse ôonzien avvër nie zo gek zien op tatoeages.Dën éne ès al wat straffër bësjillërd a's dën anëre. Sjillërijë op erm, been, bauk, rùg, zelfs op de tong. Zje kont het nie gek gënoeg bëdènke bo alle kaante. A oos aa's of grùtaas moesten trùg kome dij kêkde hùlp èn mwo'd.(moord).Dij tattoes dat gee van: Hèllëge( Heiligen) tot kruizër, van duvële tot spoke èn hekse.
Ich neem nog ôon a dwô e jonk make de vùrnôom (voornaam)van hùr jèste kindsje op hùrrën erm lùt bordure, tot dwô tau. Mer sjôos dan a'sse nie van de "kroostrijke" gezinne ès, anës jè ze plak te kot.Ziet zjiè dij bësjillërde mannër èn vrolui al èn de doesj (douche) stùn a'sse 80 jor zien? Dat môet dan toch wo'l 'n heel vërrùmpëlde sjillërij zien.Nie? Dan nog zo e geval wô zich kan vùrdoen. Ne jonge gas(kerel) ès smoorvërliefd op z'n Norake.Hët kan nie op van gekkëghjèds (gekheid). Rap, rap nwô dën tattoe-man vùr de nôom van ze lief op zënnën erm te lùtte zètte. Hee troot(trouwt) mèt z'n pôep èn 'n pôor jor lôtër kump dwô sleet op hùn liefdëslêve. Hët drèèt (draait) langëlèste aut op 'n "vechtscheiding". Dan lop zje dwô vùr sjùppëzot mèt dën nôom(naam) "NORA" vùr altijd op oeren erm.
Nau zin dwô nog twee meugëlëghèdse(mogelijkheden): ofwo'l Norake lùtte vôert-lézëre (weg-laseren) èn dat kos pijn èn geld. Ofwôol môet tër 'n nau lief go'n zukke wô ook Nora hit.En dat zeu wo'l raar treffe a'ttër dij nog tjè kump.
Ve zin ammël vrij minse èn iedër deu mèt zij lijf wo'ttër (wat hij) wilt. Zo ès dat !!

Paul Achten


Immo

Auto's in de kijker

Jobs in de regio